2022 жылғы 31 қазанынан 04 қараша аралығында Алматы қ. ҚДБ ШЖҚ "Перинатология және балалар кардиохирургиясы орталығы" МКК базасында "Жедел акушерлік және гинекология. Сыни күйлер" мастер-классы өткізілді. Мастер-класс Алматы қ. ҚДБ ШЖҚ "Жоғары медициналық" колледжі КМК оқу-әдістемелік орталығымен ұйымдастырылған.
Оқытуды - Доктор София Гуревич - "Шиба" Медициналық орталығының (Израиль) Акушерлік және гинекология орталығы директорының орынбасары, жоғары санатты хирург жүргізді.
Контингент: акушер-гинекологтар, анестезиологтар-реаниматологтар, амбулаториялық көмек пен стационарлардың акушерлері.
Дүниежүзілік денсаулық сақтау ұйымының мәліметі бойынша, әйелдердің өміріне қауіп төндіретін жағдайлардың тізімі – босанғаннан кейінгі жаппай қан кету, ауыр преэклампсия, эклампсия, сепсис, жатырдың жарылуы.
Соңғы жылдары Қазақстан Республикасында ана өлімінің деңгейі төмендегеніне қарамастан, жүктілік, босану және босанғаннан кейінгі кезеңде акушерлік патологияны, оның ішінде шұғыл көмек көрсетуді талап ететін аса ауыр жағдайларды уақтылы диагностикалау, емдеу, алдын алу мәселелері өзекті болып қала береді.
Мастер-класстың мақсаты акушерлікте жаппай қан жоғалту, ауруханаішілік инфекцияны емдеу, акушерлікте сепсис және септикалық шок, преэклампсия, оның асқынулары және т. б. кезінде медициналық көмектің сапасын арттыру үшін акушер-гинекологтар мен анестезиолог-реаниматологтардың жұмыс тәжірибесіне заманауи емдеу-диагностикалық технологияларды енгізу болып табылады. анестезиологтар-реаниматологтар акушерлік анестезиология мен реанимациядағы негізгі патологияларда диагностика мен емдеудің алгоритмдерін дұрыс құрастыра алады.
