Мейірбике күніне орай, Сіздерді Перинатология және балалар кардиохирургиясы орталығының қызметкерлерімен таныстырамыз.

Амиреева Алия Анарбековна – ПжКХО-да директордың мейірбике ісі жөніндегі орынбасары 

Алия Анарбековна 1997 жылы Алматы қалалық медицина колледжін «Акушер» мамандығы бойынша бітірген.

Ол өзінің еңбек жолын колледжді бітіргеннен кейін бірден бастады. Алматы қаласының жетекші қалалық перзентханаларында 24 жыл жұмыс істеп, 2021 жылы Перинатология және балалар кардиохирургиясы орталығына келді.

Алия Амиреева бұл мамандықты бала кезінен армандаған. Қазір оның жетекшілігінде жақсы үйлестірілген медбикелер ұжымы жұмыс істейді, олардың арасында үлкен тәжірибесі бар қызметкерлер де, өте жас бикелер де бар.

«Қаланың перзентханаларында жұмыс істеп, 3-4-деңгейдегі ОРТАЛЫҚ-қа келген соң, мен бұның үлкен жауапкершілік екенін түсіндім.

Мұнда, Перинатология және балалар кардиохирургиясы орталығында жоғары тәуекел тобындағы әйелдерге, яғни ауыр экстрагенитальды және акушерлік патологиясы барларға көмек көрсетіледі. Сөйтіп, мен білімімді одан әрі жетілдіруді жөн көрдім және былтыр бакалаврға оқуға түстім. Мен адамдарға көмектескенді ұнатамын және балаларды өте жақсы көремін.

Мен үшін еңбегімнің жемісін көру маңызды, біреуге қуаныш сыйлағаныңды сезсең, дені сау сәби мен дені сау ананы көргеніңде! – дейді Алия.

Ұзақ жылдар бойы перзентханада жұмыс істеп келіп көп нәрсені көруге тура келді.

 «Әрине, әртүрлі жағдайлар болды, бірақ жақсылары көп болды», - деп Алия Анарбековна бөлісті.

Баршамызға белгілі, адамгершілігі жоқ, мейірімсіз, сабырсыз акушер толыққанды маман бола алмайды. Психолог болу керек. Пациентің ауырсынуымен, оның алаңдаушылығымен ортақтас болып, жеке тәсіл табу қажет. Әлия Анарбекқызының бойында осы қасиеттердің барлығы бар.

Ол орынбасар болғанға дейін өз мамандығының барлық сатысынан өтті, өз қызметін басынан аяғына дейін танып білді.

Тек өзінің көшбасшылық қасиеттері мен кәсіби шеберлігінің арқасында ол биіктерге жетті.