Будугулова Лязат Кембаевна – Перинатология және балалар кардиохирургиясы орталығының қабылдау бөлімінің аға медбикесі.

Лязат Кембаевна 33 жылдан бері сәбилердің дүниеге келуіне көмектесіп келеді.

Ол кез келген жағдайда өз жұмысын жоғары деңгейде атқара алады: ол лифтте де, жедел жәрдемде де босандырған, бірақ ең ұмытылмайтыны - қатты аязда Перинатология және балалар кардиохирургиясы орталығының бақылау-өткізу бекетінде болды.

- Босану қарқынды болып шықты, әйелді тек жедел жәрдем көлігінен түсіріп қана үлгерді. Біз жүгіріп шықтық, кіші қызметкерлеріміз сес берместен тез көрпе әкеліп, жел тұрмасын деп әйелді жан-жақтан жауып тастадық, аяз болған еді. Осылай сырғытқының үстінде босандырып алдық. Бүкіл ұжымға рахмет, бұлжытпай анық істеді. Жылдар бойы жұмыс істеп, бәрін көруге тура келді, бәрін санай  да алмаймын! - дейді Лязат. 

Лязат Кембаевна өз мамандығын маңызды әрі асыл санайды. Кейіпкеріміз акушер болғанына мүлде өкінбейді. Ойламаған мамандық ақыры нағыз кәсіп пен тағдырға айналды.

Сөзін қорыта келе ол:«Көп нәрсе біздің қабылдау бөліміндегі жұмысымызға байланысты, бізге қиын науқастар жиі келеді. Мұндай жағдайларда тез әрекет етіп, көмек көрсету керек, өйткені ананың да, баланың да өмірі осыған байланысты», - деп атап өтті.

P.S. Перинатология және балалар кардиохирургиясы орталығы Сізді Халықаралық медбикелер күнімен құттықтайды! Біз сізге ең алдымен зор денсаулық және жеке өміріңізге амандық тілейміз. Сіздің мейірімділігіңіз, ұқыптылығыңыз бен қамқорлығыңыз өзіңізге екі еселеніп оралсын, сізді күшті және бақытты ететін адамдардың жағымды сәттерімен, сөздерімен және күлкілерімен қуанта берсін. Сізге жылы шырайлылық пен тағдырдың ең мейірімді сыйлықтарын тілейміз.