Акушер - гинекологтар мен "Перинатология және балалар кардиохирургиясы орталығының" ультрадыбыстық диагностика дәрігерлері "Аяла" жеке қайырымдылық қорының қолдауымен 2024 жылдың 14.01. - 28.01. аралығында Екатеринбург қаласындағы РФ ДСМ "Орал ана мен нәрестені қорғау ғылыми - зерттеу институтында" "Фетальді хирургия" тақырыбында оқиды. Фетальді хирургия бойынша біліктілікті арттырудың бірегей білім беру курсы профессор, м. ғ. д., құрсақішілік хирург - Н.В. Косовцованың жетекшілігімен өтеді.

"Орал АНҚ ҒЗИ - мықты оқытушылар құрамы, сондай-ақ теориялық және практикалық базасы бар Ресейдің атақты институты. Күн сайын оқу орнының базасында атақты лекторлармен танымдық дәрістер өткізіліп, практикалық сабақтарда фетальді хирургияның жаңа технологияларын меңгереді. Тәжірибе ретінде сабақта жүкті жануарларға құрсақішілік ота көрсетіліп, дамудың туа біткен кемістіктерін түзету бойынша аз инвазивті және фетоскопиялық ота жасау техникасы пысықталды. Ұрықтың бірінде гидронефроз болып, дәрігерлер бірлесе отырып дренаж орнатты. Муляжға дренаж орнату бойынша практикалық сабақтар өткізіп, курстың барлық қатысушыларымен бірге кордоцентез процедурасын жүргізді. Кордоцентез - бұл генетикалық ауруларды диагностикалау үшін лимфоциттер алу мақсатында ұрықтың кіндік пункциясы. Айта кетейік, бүгінгі таңда Қазақстанда ұрық медицинасының кейбір бағыттары - генетикалық скрининг және пренатальды диагностика, кордоцентез, плацентоцентез және құрсақішілік қан құю сәтті қолданылуда. Фетальді хирургия бойынша білім беру циклі дәрігерлерге ұрықта құрсақішілік манипуляцияның тиімді әдісін өз бетінше жүргізуге мүмкіндік береді, іс жүзінде әрбір қатысушы хромосомалық ауытқулар мен жатырдан тыс инфекциялардың инвазивті диагностикасын жасай алды.

Алған білімінің арқасында дәрігерлер (пбкхо) ұрықтың өмірін сақтау және балалардың мүгедектігін азайту мақсатында құрсақішілік ТБДК - ін түзетуге мультидисциплинарлық тәсіл құруды жоспарлап отыр.