Перинаталдық скрининг бағдарламасы аясында Перинатология және балалар кардиохирургиясы орталығының базасында қала әкімдігі және С.Д.Асфендияров атындағы ҚазҰМУ қолдауымен, медицина ғылымдарының докторы, профессор, Орал федералды округі бас акушер-гинекологы, РФ еңбек сіңірген дәрігері Башмакова Надежда Васильевнаның акушерлік клиникадағы заманауи технологиялар мен инновацияларға, атап айтқанда, ұрық хирургиясы әдістерін енгізу және дамыту мәселелеріне арналған оқу бағдарламасы басталды.

Іс-шараны ашқан Алматы ҚДСБ басшысының орынбасары Назгүл Иманғалиева мұндай семинардың маңыздылығын атап өтіп, бұл сөзсіз перинаталдық сырқаттанушылық пен көп жүктілік кезіндегі өлім-жітім деңгейі мен кейбір туа біткен даму ақауларын төмендетуге мүмкіндік беретінін сөз етті.

С.Д.Асфендияров атындағы ҚазҰМУ акушерлік және гинекология кафедрасының резиденттері, (акушерлік және гинекология мамандықтары), оқытушылары, сондай-ақ практикалық дәрігерлер және клиникалық базалардың тәлімгерлерімен бес күндік оқыту семинары шеңберінде келесі мәселелер қаралатын болады:

🔹 Фетальді хирургия: проблемалар, мүмкіндіктер және серпінді технологиялар

🔹 Кесарь тілігінен кейін табиғи босану

🔹 Акушерлік қан кету. Қан менеджменті

🔹 Плацентаның бірігіп кетуі кезіндегі "қансыз " хирургия

🔹 Акушерліктегі септикалық асқынулар. Диагностика, емдеу және алдын алу

🔹 Ұрықтан айрылу синдромы. Жүктіліктің соңына дейін жетпеуі: клиникалық хаттамалардың мәселені шешуге қосқан үлесі. Истмико-церквиальді жеткіліксіздік. Заманауи түзету технологиялары

🔹 Бедеулікті емдеудің инновациялық әдістерін сынақтан өткізудің клиникалық хаттамалары. Хирургиялық гемостаз

🔹 Плацентаның алдында жатуы. Плацентаның мерзімнен бұрын бөлінуі

🔹 АФС синдромы. HELLP синдромы

🔹ЭКО-дан кейінгі жүктілік. Көпұрықты жүктілік

🔹 Кесарь тілігі